انوااع البنات في المسنجر !!

بسم الله الرحمن الرحيييم



كيف الحآل ؟



العاقله!!

لما تفتح ماسنجرها م اتكلم حد.. تنتظر الكل يرحب

فيها وهي تبتسم وتقول شكرا..

واذا حد ارسل لها فايل او رابط اغنية حطت له علامة استفهام وتسكت نص ساعه ماتكلمه..

ولما تكون متحمسه في الكلام.. تكتب كل كلمة في سطر وتضغط انتر.. تخاف من الاخطاء الاملائيه.

وضحكتها عبارة عن ابتسامه واذا كانت مستانسة حدها تحط ثلاث ابتسامات.

المصلحجية!!

ماتسلم عليك الا مرة في الشهر.. تدخل عليك فجأه وتحط لك ورده.. مع انها كل يوم متواجده وساكته..

وتستخدم مشغول في الخارج.. واذا احتاجت مساعدة تجيك وتسلم عليك وتقول وينك من زمان ماشفتك؟ شدعوه ماتسال علي؟

ترى اختي كل يوم تفتح ماسنجري واوصيها تبلغك السلام لاني مشغووولة حدي في الدراسة.. لووووول حلوه الترقيعه

وبعد ماتخلص مصلحتها تقولك عن اذنك بروح اكمل مذاكره واختي بتقعد مكاني لاتكلمها بليز لووووول.





الرسميـة!!
ترتب المجموعات الى قسم العائله و قسم الزملاء فقط.. طبعا مافيه قسم اصدقاء.. واغلب كلامها مثل.. احترم نفسك..

رجاء هذي امور خاصة فيني.. ولما تسالها شخبارك؟ ترد انا بخير وتسكت.. واذا سلمت عليها ترد وعليكم وتسكت..
ولما تعطيها اهداء تقولك شمعنا انا بالذات؟ لووول ياحياة الشقا.. واغلب وقتها تقرا مواضيع في المنتديات

في قسم الرأي الاخر.. وتعشق برنامج الاتجاه المعاكس.



الرجة !!

هذي كل سوالفها ضحك.. وكل شوي تكتب نكته وتضحك بروحها.. وضحكتها طويله تقريبا ثلاث سطور..

واغلب كلامها بالصور.. تستخدم كل صور الماسنجر وغلطاتها الاملائية واجد طبعا.. وتجمع عدة اشخاص في صفحة واحده.. وتتكلم عن ثلاثة مواضيع في وقت واحد..

وتقرا العناوين الرئيسية في الجريدة وتجي تسال عنها.. ينقالها متابعة الاحداث العالمية خخخخخخ.

وكل شوي تغير الصورة الجانبيه.. والنك.. ولون الخط .




الدفشــة!!

تغيب أيام طويلة مدري وين تروح وترجع فجأة.. وكلماتها مثل.. شخبار امك عساها طيبة؟ ياصبي.. انقلع.. ضف وجهك.. ابي فزعه.. لاتزعل من اوخيتك تراني اضحك..

ودايم تطيح الميانة.. وثقافتها ماتعدى المتوسطه.. وتفكيرها في البر والتفحيط والددسن.. وتمووت في اغاني الانجليزية..

وماتعرف من العطورات غير دهن العود ابوعشرين.. ولو كلمتها عن ماركة قوتشي او ديور بتقولك مقاطعة الامريكان.. وضحكتها جذي هع هع هع

وتكتب بلون اسود لانها ماتعرف تغير الالوان هع.




البطــــة....!!

طباخة ممتازة وتحب تسولف عن الاكل.. ودايم جوعانه.. ونقطة ضعفها الجالكسي جواهر والاندومي.. وقبل موعد العشا بساعه يكون مزاجها متعكر ودايخه و تسولف من غير نفس..

ولما ينادونها للعشا تقفل الماسنجر بسرعة البرق.. لوووول وعادة يكون نكها فراولة او شوكولاته أنيقة او رمانه مخصرة..

ودائما تتكلم عن تجاربها الفاشلة في الريجيم هع.. مستحيل تشوفها في النهار لان الجو حار.. اوقاتها من العصر و طالع.

دمها خفيف ومرهفة المشاعر وأقل موقف ممكن يبكيها.





البريئــة!!

عمرها يكبر وعقلها مايتغير.. مازالت طفله وعلى نياتها.. تثق في كل الناس وبسرعة تتأثر.. وكل يوم تسألك كم عمرك؟

تعشق سبيس تون وبينك بانثر و تحب تسولف عن الأزياء والتسريحات.. تتواجد في العصر و المغرب لانها تنام مبكر.. مااعدا يوم الخميس طبعا هع

شعارها الدنيا حلوة.. احيانا تجيك سكتة قلبية من غبائها ومع ذلك هي الاولى في المدرسه.. لو بلغتها باسرارك بتفضحك في كل المنتديات..

تخاف من الأرنب والقطوه و أي شي يمشي على اربع رجيل.. حتى انت لو تمشي على اربع بتخاف منك هع.

الشينـــة!!

اسمها الحقيقي منيره او حصه او عنبره او رقيه.. ويعايرونها في البيت ام ضرس او الحولا او البطه او ام جبهة..

وتجي الماسنجر تتميلح وتقول اسمي دانه أو مشاعل او فاتن او شهد او ريم.. ودايم تنتقد و مايعجبها العجب.. واذا شافتك مشغول انواع الهواش والشتايم

واذا عطيتها وجه انواع الصفط والركب

تحتار كيف ترضيها.. تعطيها اغنية تقولك ماحب الاغاني.. تشبه سنفور غضبان كل شي يضايقها وكل شي يزعلها..

تكره اليسا ونانسي وتموت في الطقاقات.. ماتعرف تجامل ولاتمدح الا نفسها.. دايم توصف نفسها بالجمال والرشاقه..

تختار اسماء مثل الدلوعة.. الفاتنة.. الماسة.. الى اخره.



(( صنفوا انفسكم ياحلووووووين ))